LAGARDE, DIEUZE E MONCOURT

PAROLES : Fabian ROUMAN

A mei reire grand Ernest, Juli, Jousé

LAGARDE, DIEUZE E MONCOURT

Leis ome dòu quinzieme cors
Eron de fièu, éron de paire
Eron pas d’ome e plus d’enfant
An quita sei  fremo e sei maire.
De Nime, Touloun e Marsiho
De Niço, Gap e d’Avignoun
Soun tutei  parti en cansoun
Apara la maire Patrio
An pres lou trin de la vitòri
Galoi e fièr coume Artaban
Segur d’ana cerca la glòri
E de reveni triounflant

refrin : la, la, la, la, la, la, la, la, la, la, la, la, la, la, la, la...

Au mes d’avoust que mourrejavo
A Nancy, e seis alentour,
Pertout cantavon lei cigalo
Resclantié la lingo d’amour
Mai darrié sei moustacho fièro
Dins lou gris dei foto d’avans,
La foulié la pòu de la guerro
Soun dins leis uei de nouéstrei grand
Quand lou cleiron sounè la cargo
A Dieuze, Lagarde e  Moncourt
Prussian, troun de Diéu pren ti gardo
 D’Arcolo vaqui lou tambour

 refrin

Dessouto un soulèu fouscarin
Dóu  fum, dei canoun que tronavon
Dóu cèu gris dóu peis lourrain
Uno pluejo d’aram toumbavo
La mouart fasié vira sa daio
E de Prouvènço leis enfant
Souto lou fue de la mitraio
An toumba leis armo à la man
Dins une séuvo souloumbrouso
E  frejo e negro e enneblado
Paure ome dins tei braio roujo
Que l’imour avié rousigado

 refrin

Leis ome dòu quinzieme cors
Eron de fièu, éron de paire
Eron pas d’ome e plus d’enfant
An quita sei  fremo e sei maire.
Lou vent que boufo nous adue
L’óudour de saupre e de la mouart
Lei pouvarèu de la bravouro
Deis ome dòu quinzieme cors
Lei pouvarèu de la bravouro
Deis ome dòu quinzieme cors.